Amnir amsisɣel

Amnir amsisɣel n teɣbula n tesɣunt Ussnan

(i yeddan d tlugnin n APA tazrigt tis 7)

Tiɣbula daxel n uḍris

Ilugan imuta

  • Err gar tuccar « », daxel n uḍris, izwal n yimagraden d yixfawen d yisebtar n Internet.
  • Izwal n yidlisen, ineqqisen d iyalassen ad ttwarun s tira imalen.
  • Rnu, gar tacciwin ( ), url i tansiwin n Internet d yiɣmisen (ma yella wamek) d wuṭṭun n lqem n usnans i d-yettwabedren deg uḍris.
  • Ilaq ad d-yettwabder wuṭṭun n usebter s usemres n uzmul: sb., anagar ma yella yettwabder-d udlis s wudem amatu.
  • Aɣbalu yesɛan ugar n yiwen n usebter ad d-yettwabder s usemres n uzmul : isb. Amedya : (isb. 16-17), (isb. 38, 97, 152).
  • Ma yella uɣbalu yettwabder-d i tikkelt nniḍen deg uḍris, ilaq ad d-yettuɛawed ubdar-ines am tikkelt tamezwarut (Aɣara, aseggas, sb.). Yezmer ur d-yettuɛawad ara useggas n usizreg ma yella yettwabder-d yakan deg tseddart-nni i ilan ayendin n tebdar n tesrit. 
  • Araten ur yesɛin ara uṭṭunen n yisebtar (isebtar n Internet), ad yettubeddel wuṭṭun n usebter :
    • S wuṭṭun neɣ s uzwel n tseddart (tased. 5), 
    • S wuṭṭun neɣ s uzwel ummid neɣ awezlan n yixef neɣ n uḥric (ixef 2), 
    • S wuṭṭun n tigri n tugna1 (tugn. 5) (diapo), 
    • S wuṭṭun n tegzemt d tsayest (tasay. 2),
    • Akud d useggas (ma yella) i deg tettwaṭṭef tvidyut (1:05:28).

Taɣbalut ilaq ad d-tettwabder akka:

  • Yiwen n umeskar:  (Aɣara, aseggas, sb.): (Chaker, 1987, sb. 154).
  • Yiwen n umeskar s wayendin n yimahilen: (Aɣara, aseggas1, aseggas2): (Bourdieu, 1980, 2000).
  • Yiwen n umeskar s wayendin n yimahilen i d-yefɣen deg yiwen n useggas. Amedya: (Aɣara, 1980a, 1980b).
  • Sin n yimeskaren: (Aɣara1 & Aɣara2, aseggas, sb.): (Bounfour & Chaker, 1996, sb. 25).
    Deg tukkist tasrit daxel n uḍris, semres d deg umkan n &.
  • Sin n yimeskaren i yettemcabin deg uɣara s yimahilen yemgaraden: (asekkil amezwaru n yisem1., Aɣara1, aseggas ; asekkil amezwaru n yisem2., Aɣara2, aseggas) : (A. Bali, 2000 ; S. Bali, 2004).
  • Sin n yimeskaren imalalen yettemcabin deg uɣara: (Aɣara1 & Aɣara2, aseggas, sb.): (Bali & Bali, 2000, sb. 83).
  • Kraḍ n yimeskaren imalalen neɣ ugar: (Aɣara n umeskar1 d wiyiḍ., aseggas) : (Merolla d wiyiḍ., 2012).
    Tasureft: ma yella ismawen n yimeskaren-agi ttuɣalen-d lwaḥid deg wayendin n yimahilen imezdiyen i d-yefɣen deg yiwen n useggas: bder-d sin neɣ kraḍ n yismawen imezwura, akken imyezwaren deg ugemmay, rnu sdat-s asegzel d wiyiḍ : (Bounfour, Chaker, Dejeux, d wiyiḍ., 1993), (Bounfour, Chaker, Yacine, d wiyiḍ, 1993).
    Ma yella uɣbalu deg tefyirt, tanfalit d wiyiḍ ad tuɣal d yimeskaren imalalen.
  • Ayendin n yimahilen deg yiwen n uɣbalu: (Aɣara1, aseggas; Aɣara2, aseggas; Aɣara3, aseggas): (Dallet, 1982; Haddadou, 2007; Taifi, 1991).
  • War azemz (ulac azemz n usizreg): (Aɣara, wr. zm., sb.).
  • War ameskar: (azwel neɣ awal amezwaru n uzwel, aseggas, sb.).
  • Ameskar war isem (ur yettwassen): (Warisem, aseggas, sb.) (Ad yettwaru warisem ma yella akka i yettwabder deg udlis).
  • Auteur anonyme (inconnu) : (Anonyme, année, p.) (On écrit Anonyme seulement si c’est indiqué sur l’œuvre. A reproduire ainsi dans la liste bibliographique).
  • Tuddsa, tasudur neɣ takebbanit:
    • Abdar i tikkelt tamezwarut deg uḍris: (Isem akemmali, agezlawal1, aseggas): amedya (Centre de recherche en langue et culture amazighes, CRLCA, 2017).
    • Seg ubdar wis sin d afella: (agezlawal, aseggas): (CRLCA, 2017).
  • Agezlawal yettwasnen (ONU, OMS, etc.): wicqa ad d-ttwabedren yigezlawalen deg uḍris, maca yessefk ad d-yettwabder yisem akemmali deg wumuɣ n teɣbula.
  • Abdar n umeskar (A) i d-ibedren ameskar (B): aneggaru-agi daɣen ad d-yettwabdar, war ma yettwajarred deg wumuɣ n teɣbula.
  • Ma yella ulac aɣbalu n umeskar (B) deg uɣbalu agejdan n umeskar (A) amezwaru, ad naru akka: Boulifa (ibder-it-id Mammeri, 1990).
  • Taywalin tudmawanin1 (taywalt n tilifun, tamsawalt2 neɣ inaw, email, tameɣrayt3, atg.): ad d-binent kan deg uḍris akka: (asekkil amezwaru n yisem. Aɣara n umeɣray, taywalt tudmawant, ass aggur aseggas).
  • Adlis uɣris (Leqran, Linǧil, atg.).  Amedya: (Leqran, azwel n tsuret: uṭṭun Laya).
    Deg wumuɣ n teɣbula: Iḍrisen uɣrisen ad ttwarum am yidlisen nniḍen, war ma yettwabder-d umeskar.

Tibdar

  • Smenyifet tibdar ara yeddun deg tesrit (allus n talɣa) ɣef tebdar tusridin (gar tuccar).
  • Asekkil ameqqran amezwaru n tebdert ad yuɣal d ameẓyan mi ara tekcem deg tlemmast n tefyirt.
  • Agaz n taggara ad yili berra n tebdert, seld aɣbalu:
    « Tabdert » (Ameskar, aseggas). Amedya: « Tahrayt n tmeslayt, aweṛṛat iḥerzen ayen i as-d-yekkan sɣur lwaldin-is, yelha; win irnan s ayen s-d yeǧǧa baba-s, yif-it » (Mammeri, 2005, sb. 29).
  • Tibdar yettwasuqlen :
    • Ma tella tebdert s tutlayt nniḍen, ilaq ad d-tili tsuqilt-is deg tezmilin tineddiyin (s wadda n usebtar). 
    • Ma yella tettwarna-d tebdert yettwasuqlen sɣer umeskar n uɣbalu, ilaq ad d-iban waya deg uḍris s tmerna n tenfalit (isuqel-it Aɣara, asseggas, sb.). Deg wumuɣ n yiɣbula, ad d-yettwabder uɣara n umeskar amsuɣel ad t-id-yeḍfer usegzel (Tasuq.).
    • Ma tella tebdert tettwasuɣel sɣer umeskar n umagrad, ulayɣer ad tili daxel n tuccar, fiḥel ad d-teddu tebdert s tutlayt tanaslit, maca aɣbalu ilaq ad yili. Deg wumuɣ n teɣbula, abdar n uɣbalu ad yeqqim s tutlayt tanaslit ad d-tettwarna tsuqilt n uzwel gar [ ]. Ma yella d ixef seg udlis, ad d-tettunefk tsuqilt n uzwel n yixef.
  • Tibdar ilan 40 n wawalen neɣ ur wwiḍen ara: war tira imalen, gar tuccar tifransisin « ». Tuccar ur ilaq ara ad neṭḍent ɣer wawalen.
    • Tuccar tigliziyin “ ” mmugent i tebdar daxel n tebdar. 
    • Tabdert ilaq ad tili amek i tella deg uɣbalu, anagar :
      • Tukksa n uḥric seg tebdert: ad d-ittuwehhi ɣer waya s usemres n kraḍ n wagazen yettemseḍfaren …
      • Timerna: awalen yettwarnan ad ilin gar [ ].
      • Awalen i yuklalen ad d-binen ugar:  ad ttwarun s tira imalen, rnu sdat-s tanfalit [asebgen yettwarna].
    • Tabdert ilan tuccḍa: ad d-tettwabder amek i tella ad nernu sdat-s [akka] tama n tuccḍa.
  • Tibdar ugar n 40 n wawalen : ad ilint deg tseddart i yiman-nsent ad ttuwexrent ɣef tama, war ilem deg tefyirt tamezwarut, war tuccar, war tira imalen, agerjerrid aḥerfi, ad yettwaru s 12 Times new roman am uḍris. Aɣbalu ad yili ɣer taggara n tseddart deg yiwen n ujerrid.
Iwellihen imuta
  • Umuɣ n teɣbula yessefk ad d-ibin s uzwel « Umuɣ n teɣbula »
  • Asmenyef n teɣbula timaynutin.
  • Tiɣbula akk i d-yettwabedren deg uḍris ilaq ad ilint dagi. Tid ur d-nettwabder ara deg uḍris ula wumi-tent.
  • Iyalasen d tkudyanin (iɣmisen, tisɣunin…), tansiwin n Internet (anagar tiferret Web) d yiseɣẓanen i d-yettwabedren wudem amatu, ulayɣer ad d-ttwabedren deg wumuɣ n teɣbula.
  • Yessefk ad yettwaǧ yilem s wazal n 1,27 cm deg ujerrid wis sin n yal taɣbalut, am umedya-agi :
    Khellil, M. (1983). Le trilinguisme des Kabyles : une richesse et une menace. Anthropologie et société, 07(mars), 97-108.
  • Tiɣbula ad ttwasisemlent akken i d-myezwarent deg ugemmay (ilmend n yisem n umeskar amezwaru).
  • Aswir d uẓayer n umeskar (Pr., PhD, Dr…) ulayɣer ad d-yettwabder.
  • Isekkilen imezwura n yismawen yessefk ad ttfakan s wagaz, ad ten-id-yeḍfer yiwen n yilem.
  • Yal taɣbalut ad tfak s wagaz anagar wid yesɛan doi neɣ url
  • Doi yessefk ad yili s talɣa n tansa url (https://doi.org/…)
    • Tansa url ur tettmaga ḥala ma ulac doi (d ayen i ilaqen ad imag i tezrigin tiliktruniyin).
  • Tanfalit « yemẓer ass n… deg … » teṭṭafar kan aḍris i yettwaẓeren deg Net, aḍris-agi yezmer bab-is ad ibeddel deg-s kra (am yiḍrisen i yettilin deg tkusniwin neɣ d agbur i yellan deg yizeḍwa inmettiyen), yessefk ihi ad d-yettwabder melmi d wanda i yettwaẓra uḍris-agi.
  • Aɣara n umeskar: Taɣbalut tbeddu s uɣara d usekkil amezwaru n yisem (Servier, J.).
    • Ma yella d mefferisem (pseudonyme), ad d-yettwabder d ummid s uḥraz n yizmulen d yizamulen-is) (ula deg uḍris).
    • Ad nessemres « War isem » deg wadeg n yisem ma yella akka i d-yettwabder deg umahil anaṣli.
    • Ma yella yisem n umeskar ur yettwassen ara (ur d-yettwabder ara am « war isem »): ad nbeddel isem s uzwel n umahil (neɣ awalen imezwura n uzwel ma yella ɣezzif).
    • Isem n tuddsa, tasudut d tkebbanit: ad d-yettwabder d ummid.
    • Seg 2 ar 20 n yimeskaren imalalen: bder-d ismawen n 20 imeskaren-a, bḍu gar-asen s ticert akked userrus n uzamul (&) send isem n umeskar amalal aneggaru.
    • 21 n yimeskaren imalalen neɣ ugar: bder-d kan 20 s talɣa-a: Aɣara, Asekkil amezwaru, n 19 imezwura, kraḍ n wagazen (tneqḍin), Aɣara d Usekkil amezwaru n yisem n umeskar amalal aneggaru.
  • Azwel
    • Anagar asekkil amezwaru n uzwel ara yilin d ameqqṛan. Ma yella uzwel ibḍa ɣef sin n yiswiren, ad ttwaferqen s sin wagazen. Asekkil amezwaru n uzwel aneddi ur yettili ara d ameqqṛan (anagar s teglizit):
      Yacine-Titouh, T. (2006). Si tu m’aimes, guéris-moi : études d’ethnologie des affects en Kabylie. Maison des sciences de l’homme.
    • Azwel n umagrad ur yettili ara s tira imalen. Maca, azwel n udlis d tcarit (volume) ad ilin s tira imalen.
    • Adeg n usizreg akked yiwellihen i icudden ɣer uxxam n usizreg (Inc, Ltd, LLC atg.) ulayɣar ad ilin.
  • Idlisen
    • Talɣa n lkaɣeḍ : Aɣara, Asekkil amezwaru. (Aseggas). Azwel n udlis: azwel aneddi (tz, tcr). Axxam n usizreg. (Ma ugten yixxamen n usizreg yessefk ad ttwaferqen s wagaz-ticert (tanqit-ticert)).
    • Adlis bu sin n yimeskaren: Aɣara, Asekkil amezwaru n yisem1. & Aɣara, Asekkil amezwaru n yisem2. (Aseggas). Azwel n udlis: azwel aneddi (tz., tcr.). Axxam usizreg.
    • Nnig n 20 n yimeskaren imalalen: Aɣara, asekkil amezwaru., n 19 n yimeskaren imalalen imezwura, … Aɣara d usekkil amezwaru n umeskar amalal aneggaru.
    • Adlis aliktruni (e-book): am udlis n lkaɣeḍ, maca ad tili tmerna n Doi ɣer taggara. Talɣa (epub…), Tiɣerɣert (Amazon…) akked wallal (Kindle, Kobo…) ulayɣer ad d-binen deg teɣbalut.
    • Adlis ameslwa1: Aɣara, Asekkil amezwaru n yisem. (Aseggas). Azwel n udlis: azwel aneddi [adlis ameslaw]. Axxam n usizreg. doi
    • Adlis yettwasuqlen: Aɣara, Asekkil amezwaru n yisem. (Aseggas). Azwel n udlis: azwel aneddi (Asekkil amezwaru n yisem. Aɣara n umsuɣel, Asuɣ., tz.). Axxam n usizreg. (Adlis anaṣli yettwasizreg deg Aseggas n tezrigt tamezwarut).
    • Adlis imezdi: Aɣara, Asekkil amezwaru n yisem (Anem.) (Aseggas). Azwel n udlis. Axxam n usizreg. Doi
    • Ixef seg udlis imezdi neɣ araten n temliliyin : Aɣara, Asekkil amezwaru n yisem n umeskar n yixef. (Aseggas). Azwel n yixef. Deg asekkil amezwaru n yisem, Aɣara n umeskar neɣ amsizreg n umahil (anem.), Azwel n umahil (tz., tcr., isb.). Axxam n usizreg. Doi neɣ url
      D ameskar n yixef ara d-yettwabedren deg uḍris.
      Abdar n isb. Yessefk ad d-ibin.
  • Asegzawal/Takusna :
    • Talɣa n lkaɣeḍ : Aɣara, Asekkil amezwaru n yisem n umeskar. (Aseggas). Awal yettwaẓren. Deg Asekkil amezwaru n yisem. Aɣara (anem.), Isem n usegzawal (tacarit, isb.). Amsizreg.
    • Talɣa n Internet: Isem n usegzawal. (wr. zm.). Awal yettwaẓran. Deg Isem n usegzawal deg Internet. Yettwaẓra ass aggut aseggas, deg url.
      (wr. zm.) (war azemz) yettmag ma yella wawal i yettwaẓren yezga yettbeddil. Ɣef waya yessefk ad d-ibin wazemz i deg yettwaẓra. Ma d awalen ur yettwabedlen ara ulayɣer ad yettwabder wazmez
  • Imagraden :
    • Imagraden n tesɣunt : Aɣara, Asekkil amezwaru n yisem. (Aseggas). Azwel n umagrad : azwel aneddi. Isem n tesɣunt, tcr (uṭṭun), isb. Doi
      Servier, J. (1966). Un exemple d’organisation politique traditionnelle : une tribune kabyle, les Iflissen-Lebhar. Revue de l’Occident musulman et de la Méditerranée, (2), Isb.169-187. https://doi.org/10.3406/remmm.1966.934
      (Abdar n usegzel isb. yettili ma ulac uṭṭun n tcarit).
    • Amagrad neɣ adlis i yettwaznen i usizreg : Aɣara, Asekkil amezwaru n yisem n umeskar. (Aseggas). Azwel n umagrad [Amagrad yettwazen i usizreg]. Isem n ugezdu n tilit neɣ tazagt n umeskar, Isem n tsudut. Doi neɣ url
      Brachi, M. (2023). Analyse discursive de textes théâtraux amazighs [Amagrad yettwazen i usizreg]. Tagzemt n unadi Taẓuri d tsekla n tmaziɣt. Asemmas n unadi deg tutlayt d yidles n tmaziɣt.
    • Amagrad i yettwaqeblen i usizreg : rnu tanfalit [Ad d-yettwasizreg] deg wadeg n wazemz n usizreg (ula daxel n uḍris), d yisem n tesɣunt :
      Brachi, M. (Ad d-yettwasizreg). Analyse discursive de textes théâtraux amazighs. Ussnan.
    • Azɣan n udlis i d-yefɣen deg tkudant: Aɣara n umeskar, Asekkil amezwaru n yisem-is. (Aseggas, ass d waggur). Azwel n tezɣant. [Azɣan n udlis Azwel n udlis, n Asekkil amezwaru n yisem n umeskar. Aɣara n umeskar n udlis]. Azwel n tkudant, tacirt (uṭṭun), adeg n yisebtar. Doi neɣ Url
      (Takudant tezmer ad tili d aɣmis, d ablug neɣ d tamazant)
    • Azɣan n usaru i d-yettwasizergen deg uɣmis: Aɣara n umeskar, Asekkil amezwaru n yisem-is. (Aseggas, ass d waggur). Azwel n tezɣant. [Azɣan n usaru Azwel n usaru, n Asekkil amezwaru n yisem. Aɣara n umsufeɣ n usaru]. Azwel n uɣmis. Doi neɣ Url
    • Azɣan n tferdist n tmazrart n TV i d-yettwasizergen deg usmel web: Aɣara n umeskar, Asekkil amezwaru n yisem-is. (Aseggas, ass d waggur). Azwel n tezɣant. [Azɣan n tferdist uṭṭun. « Azwel n tferdist », n Asekkil amezwaru n yisem. Aɣara n umsufeɣ n tfredist]. Azwel n tkudant, tacirt (uṭṭun), isebtar. Doi neɣ url
  • Attekki deg temliliyin tussnanin: Aɣara, Asekkil amezwaru n yisem n umekki. (Aseggas, ass d waggur). Azwel n tikin deg temlilit [Anaw n uttekki]. Isem n temlilit, tamdint, Tamurt anda i d-tella temlilit. Doi neɣ Url
    (Anaw n uttekki: asarag, asissen, taywalt…).
    • Tizrawin d yikatayen (talɣa taliktrunit) : Aɣara, Asekkil amezwaru n yisem. (Aseggas n usizreg). Azwel n tezrawt [Tazrawt n dukṭura, Isem n tesdawit]. Isem n tirest1 neɣ adda n tnefkin2. Doi neɣ url
      Isem n tirest neɣ n wadda n tnefkin d win anda tettwasizreg tezrawt (s umata d tansa n Internet n usizreg ussnan).
  • Ikatayen d tezrawin i yellan kan s talɣa n lkaɣeḍ : Aɣara, Asekkil amezwaru n yisem. (Aseggas n tsalelt). Azwel n tezrawt [Tazrawt n majister ur nettwasizreg ara], Isem n tesdawit.
  • Aneqqis3 d wulɣu n tɣamsa (tuddsa, tasudut, takebbanit) :
    • Aneqqis : Aɣara, asekkil amezwaru n yisem. (Aseggas). Azwel n uneqqis. Axxam n usizreg. Doi neɣ url
      Ameskar yezmer ad yili yettemhal s yisem n kra n tsudut.
      Ma yella umeskar d tuddsa, d tasudut neɣ d takebbanit, ilaq ad d-yettwabder yisem d ummid: Sonatrach. (2003). Aneqqis n useggas 2003 n temhilt n uɣizi. https://….pdf
      Axxam n usizreg ur yezmir ara ad yili.
    • Alɣu n tɣamsa : Aɣara, Asekkil amezwaru n yisem. (Aseggas, ass aggur). Azwel n wulɣu. Doi neɣ url
      Office national des examens. (2019, 10 mars). Alɣu n tɣamsa n 10 meɣres 2020 i d-yettwain ɣef yizmaz n yikayaden n taggar n useggas. Aɣlif n uselmed aɣelnaw azzayri. https://…pdf
  • Imagraden n yiɣmisen d tsɣunin1:
    Tazrigt n lkaɣeḍ : Aɣara, asekkil amezwaru n yisem. (Aseggas, ass d waggur). Azwel n umagrad. Azwel n uɣmis. Isebtar.
    Tazrigt taliktrunit: Aɣara, Asekkil amezwaru n yisem. (Aseggas, ass d waggur). Azwel n umagrad. Azwel n uɣmis. url
  • Asmel2 n Internet, asebter n Internet, ablug d yizeḍwa inmettiyen :
    • Asmel i d-yettwabedren s wudem amatu deg uḍris ulayɣer ad yettwabder deg wumuɣ n teɣbula.
    • Asebter n Internet : Aɣara, asekkil amezwaru n yisem n umeskar. (Aseggas, ass d waggur). Azwel n usebter. Azwel n usmel. Url
    • Wikipédia (d wikis): Awal yettwaẓren. (Aseggas, ass ayyur). Deg Wikipédia. Url
      (Deg uḍris daɣen, awal yettwaẓren yettuɣal deg wadeg n umeskar ad yili gar tacciwin).
    • Izeḍwa inmettiyen : Aɣara aḥeqqani, asekkil amezwaru n yisem n umeskar. [@username]. (Aseggas, ass d waggur). 20 n wawalen imezwura, ma aṭas, n ugbur n tsufeɣt neɣ n uwennit [aglam n warat aseliẓri]. Isem n uzeṭṭa anmetti. Url
      Ameskar yezmer ad yili d agraw.
      @username (d isemm n uqeddac) i tsufaɣ kan deg Twitter d Instagram. Yessefk ad yenṭeḍ ɣer uzamul @.
      [aglam n warat aseliẓri] : tweet, amiḍan Twitter, assaɣ, tawlaft, atg.
    • Taɣbalut warazemz (asebter n Facebook, amiḍan n Twitter…) : ma ulac azemz arum (wr. zm.) maca yessefk ad d-yettwabder, send n Url, azemz i deg yemẓer, am umedya : yettwaẓra ass aggur aseggas, deg url.
    • Amiḍan n Twitter: Tweets deg wadeg n 20 n wawalen imezwura n ugbur n tsufeɣt.
    • Agbur s tugna: rnu ɣer taggara n tsufeɣt tanfalit [s tugna].
    • Amagrad d ublug : Aɣara, Asekkil amezwaru n yisem n umeskar. (Aaseggas, ass d waggur). Azwel n umagrad. Isem n ublug. Url
    • Awennit ɣef umagrad n ublug: Aɣara, asekkil amezwaru n yisem n bab n uwennit. (Aseggas, ass aggur). 20 n wawalen imezwura n uwennit [awennit ɣef umagrad « azwel n umagrad »]. Isem n ublug. Url
  • Iseɣẓanen1/Isnasen/adda n tnefkin2 : Aɣara, Asekkil amezwaru n yisem n umeskar n usnas. (Aseggas). Isem n useɣẓan (Lqem) [Aseɣẓan]. Isem n tsudut timsizregt. Url
    Aɣara, Asekkil amezwaru n yisem. (Aseggas, ass aggur). Tamuli3 n wadda n tnefkin. [Adda n tnefkin]. Isem n tsudut timsizregt. Doi neɣ url
    Ameskar yezmer ad yili d tasudut neɣ d tuddsa.
    Takebbanit timsizregt : Google Play, Apple store, PhpStorm, tuddsiwin d tsudiwin nniḍen i yesselḥayen adda n tnefkin atg.
  • Isura, Timazrarin n TV, Iferdas seg tmazrarin n TV4, asaru imselɣet5, tividyutin, Webinaires
    • Aɣara, Asekkil amezwaru n yisem. (Tawuri). (Aseggas n uɛeddi). Azwel n usaru [Asaru]. Takebbanit n usufeɣ. Url
    • Tawuri tezmer ad tili d tin n umsufeɣ (tamsufeɣt), anfaras (tanfarast), umeskar (tameskart) n uferdis neɣ n unamus (webinaire).
    • Azemz n webinaire yessefk ad yegber aseggas, ass d waggur.
    • Akken daɣen i yizmaz n tmazrarin n TV isefk ad gebrent aseggas, ass d waggur n beddu d win n keffu n usɛeddi n tmazrart. Daxel n uḍris, bder-d ḥala aseggas n beddu d useggas n keffu.
      Ma yella usaru yurar-d s tutlayt taberranit, azwel-is yettwasuqel-d, rnut-d tasuqilt-agi daxel [ ] ɣer tama n uzwel anaṣli n usaru.
    • Takebbanit n usufeɣ tezmer ad tili d agezdu, tasdawit daɣen tezmer ad tili d tamsizregt n warat imeẓri.
    • Ɣef uferdis seg tmazrart n TV : ilaq ad d-yettwabder yisem n umsufeɣ n uferdis d usisen n uferdis am umedya-agi :
      Azwel n n uferdis [tasemhuyt 3, aaferdis 12] [Aferdis n tmazrart n TV]. Deg M. Rachim (amsufeɣ), Les aventures de Djeha. ProdDZ. Url
  • Tavidyut n YouTube (neɣ tiyiḍ):
    Aɣara, asekkil amezwaru n yisem. (Aseggas, ass aggur). Azwel n tvidyut [tavidyut]. YouTube. Url
  • Tizlit : Isem n ucennay. (Aseggas, ass aggur n tufɣa n tezlit). Azwel n tezlit [Tizlit]. Deg Isem n uḍebsi. Imsizreg.
    Isem i s yettwasen ucennay (Idir, Takfarinas…).
    Imsizreg d axxam n diskat neɣ d isem n umfares n udebsi.
    • Aḍebsi1 : Isem n ucennay. (Aseggas). Azwel n uḍebsi [Aḍebsi]. Amsizreg.
    • Podcast (ameslaw) (tamazrart s umata) :
      Aɣara, asekkil amezwaru n yisem n umeskar (Tawuri). (Aseggas n beddu-Aseggas n keffu). Azwel n podcast. [Podcast]. Takebbanit n usufeɣ n podcast.
      Tawuri [Anumas] neɣ [Tanumast].
      Ma yella podcast urɛad yettɛeddi-d: [aseggas n beddu n podcast-ar assa]: (2021-ar assa).
    • Aferdis seg podcast: Aɣara, Asekkil amezwaru n yisem (Anumas). (Aseggas n uɛeddi n uferdis). Azwel n uferdis (uṭṭun n uferdis) [Aferdis n podcast]. Deg azwel n podcast. Takebbanit n usufeɣ.
      Azewl n uferdis yezmer ad yili d isem n yinebgi neɣ n tnebgit.
  • Tadwilt n rradyu: Aɣara, Asekkil amezwaru n yisem n unamus1. (Aseggas, ass aggur n uɛeddi). Azwel n tedwilt [Tadwilt n rradyu]. Isem n rradyu. Url
  • Araten izerfanen (Iɣtasen, isuḍaf…)2 : Imedyaten :
    Amanaḍ3 uṭṭ. 01 n 04 yulyu 2023 i d-yewwin ɣef usigez uzwir4 akked uwelleh n wid ilan agerdas n BAC deg useggas asdawan 2023-2024, (2024). Url
    Tanaḍt taselkant5 uṭṭ. 17-95 n 26 furar 2017 ɣef usbeddi n usemmas n unadi ɣef tutlayt d yidles n tmaziɣt. (2017). Url
  • Taṣukt n tẓuri, Tafelwit n teklut, Tawlaft, Tamsirt/ Askan PowerPoint:
    • Taṣukt n tẓuri deg usalay : Aɣara, asekkil amezwaru n yisem n umeskar. (Aseggas n tlalit- aseggas n tmettant). Azwel n taṣukt [anaw n taṣukt]. Isem n usalay, Tamdint, Tamurt.
      Issiakhem, M. (1928-1985). Chaouias [Tafelwit]. Asalay n tẓuriwin tatrarin n Lezzayer. Lezzayer.
    • Tawlaft : Aɣara, asekkil amezwaru n yisem n umeskar. (Aseggas). Azwel n tewlaft [Tawlaft]. Aḥanu1, tasudut n tikkin.
  • Tikerḍiwin
    • Lkaɣeḍ : Aɣara n umeskar. (Aseggas n usizreg). Azwel n tkerḍa neɣ n uɣawas [anaw n warat]. Amsizreg.
      Anaw n usfaylu: [Takerḍa], [Aɣawas]
    • Deg google (Google Maps): Google. (wr. zm.). [Azwel n tkerḍa tarakalt]. Yettwaẓra ass aggur aseggas deg tansa url
  • Tamsirt/Taskanit PowerPoint :
    • Tamsirt: Aɣara, Asekkil amezwaru n yisem n uselmad. (Aseggas, ass aggur). Azwel n temsirt (uṭṭun n temsirt-isem n temsirt). [Askan s PowerPoint]. Moodle. Url
      Isem n temsirt d agdazal n yisem n temlilit neɣ n tanga, azwel n temsirt yettwehhi-d ɣer tiremt.
    • Tiskaniyin nniḍen n PowerPoint : Aɣara, asekkil amezwaru n yisem. (Aseggas, ass aggur). [Askan s PowerPoint]. Moodle. Url
    • Igerdasen n usnulfu1 : Aɣara, asekkil amezwaru n yisem n umesnulfu. (Aseggas). Isem n ugerdas (uṭṭun n ugerdas). Isem n tsudut i d-yefkan agerdas. Url

Isegzal :
(p.) : (sb.)
(pp.) : (isb.)
(paragr.) : (tased.)
(éd.) (édition d’œuvre) : (tz.)
(Dir.) (ouvrage collectif) : (Anem.)
(vol.) : (tcr.)
Num. : (uṭṭ.)
(s. d.) : (wr. zm.)
(trad.) : (tasuq.)
(diapo.) : (tugn.)
(scène) : (tasay.)
Cité : (ibder-it-id)
[sic] : [akka]